جیزما قارا

Dirilmək istəyirəm

Sakit bir ağac daxmasında

Sısqa işıq altında

Yağmurlu gecədə

Özümü yaşamaq zorundayam

İnsan səsindən uzaqlaşarkən

Bu gün

Sabah

Ya da elə bu günlər

Gedəcəyəm burdan

Sakit ormanlara doğru

Təki ormanların səsinə qulaq asıb,

Bütün bağırtılarımı susacağam

Düşünəcəm Göbələklərin qoxusunu

Uçacağam quşların qanadlarını

Sakit bir ağac daxmasında

Yağmurlu gecədə

Sısqa işıq altında

Sakitcə oturub

Bir az dincələcəyəm yorğunluğumu

Boğacağam boğazımda

İnsan səsinə qarışmış səsimi

dolacaq qulağıma

ormanların yaşıl səsi

hər nə silinəcək zehnimdən

Bakirə olacaq hər nə

Bakirə olacağam

nə anam olacaq

nə atam

nə sən

nə o

nə bu

elə sanacağam kı

bu yaşıl urmanlardır

həm anam

həm atam

həm sən

həm o

həm bu

ساكيت اورمانلارا دوغرو

گؤله آتيلميش داش اولورام

هر نه دايره­وي دالغالانير

اوزاقلاشير مندن

گولورم …!

قهقهه­مين سسينده

گيزله­نير کدرلريم