Dırnaqlarınla did dəmir dərvazaları
Dırnaqlarınla did dəmir dərvazaları
Dadaizmi dağıntılarımı, "Dərləm"(1)lərə düzürəm…! Düdüklərin dəbəkliyini dartıram dişimlə. didir dəhşətli deformasiyam(2) dekorasyonları. Darmadağın düşürəm dramatik duraqlarda. Dişimlə dişləyirəm dodaqlarımı. Diyalogların diyaliktiksiz dilindən, dibimin dibinə düşürəm. Düşünürəm doğulmayan doğal döyüntülərimi. Döyünmək, dubleks(3) duruşlarla döyüşməkdir.
Dizimin dibindəyəm. Dəvələşmələri duyuram. Döyüşmədən dağılmaq, despotizm(4) deserləri determinasyonlaşdırır(5). Dəvələr divlərin, divlər də daragonların(6) davamıdır. Daragonlar diktatorların damarında dartışarkən, dartınır. Dinamik dinametlər dağıdacaq, dünyanın damarcıqlarını. Dur döşəmələrini doldur dəvələrlə. Dinmə, dinərsən dilini dallayarlar. Dara düşərsən dünyanın dar dəhlizində.
Dur dramatorluq dənini dırdırlanmış dəyirmanlarda dart. Dartınma darmadağın düşmüş davamını. Deterministlər(7) dartacaqlar düşüncələrini. Döşündə dayanan düşmənlərə düşün. Didişkən düdüklərdən, dərsliklərimiz dolur, dəmlənir dəfinələrimiz. Dərvişlərin düşüklüyünə də düşün. Dualarından daş – düyünə düşmüş dünənimizə düşün. Dön dönülməyən döngələrə. Döndər dönümünü. Dön, dönülmək dönüm dayrəsini düzəltməkdir.
Dilənmə dilənçilərdən dirənim(8) dirəklərini. Dur diskolarda danslan dəhşətli depreslərini. Depresyonda difraksiyonların(9) deformasiyasına düş. Depola dünəndən düşən düşkünlüyünü. Dilindən düşməsin dalğacıqlar.
Dərdlərlə dərdləşərkən darmadağın düş. Dırnaqlarınla did dəmir dərvazaları. Daraqla didərgin düşmüş didərginliyini.
Din! Dodağını damğalama! Damının divarının damarı dolaşar daşlara. Dibinin dibindən diskin. Dur darlıqların darısqallığından. Diril dar daxmacıqlardan. Donmaz darların darısqallığında damarların.
ətək yazı:
- dərləm: kolleksiyon.
- deformasiya: formsuzluq.
- dubleks: iki qat, iki üzlü.
- despotizm: istibdad.
- determinasyon: təyin.
- daragon: ajdəha.
- determinist: təqdiri fəlsəfəsinin peyroları.
- dirənim: üsyan.
- difraksiyon: inkisar
دیرناقلارینلا دید دمیر دروازالاری
دادائیزمی داغینتیلاریمی، درلملره(1) دوزورم…! دودوکلرین دبکلییینی دارتیرام دیشیمله. دیدیر دهشتلی دئفورماسییام(2) دئکوراسیونلاری. دارماداغین دوشورم دراماتیک دوراقلاردا. دیشیمله دیشلهییرم دوداقلاریمی. دییالوگلارین دییالیکتیکسیز دیلیندن، دیبیمین دیبینه دوشورم. دوشونورم دوغولمایان دوغال دؤیونتولریمی. دؤیونمک، دوبلئکس(3) دوروشلارلا دؤیوشمکدیر.
دیزیمین دیبیندهیم. دوهلشمهلری دویورام. دؤیوشمهدن داغیلماق، دئسپوتیزم(4) دئسئرلری دئتئرمیناسیونلاشدیریر(5). دوهلر دیولرین، دیولر ده داراگونلارین(6) داوامیدیر. داراگونلار دیکتاتورلارین داماریندا دارتیشارکن، دارتینیر. دینامیک دینامئتلر داغیداجاق، دونیانین دامارجیقلارینی. دور دؤشمهلرینی دولدور دوهلرله. دینمه، دینرسن دیلینی داللایارلار. دارا دوشرسن دونیانین دار دهلیزینده.
دور دراماتورلوق دنینی دیردیرلانمیش دییرمانلاردا دارت. دارتینما دارماداغین دوشموش داوامینی. دئتئرمینیستلر(7) دارتاجاقلار دوشونجهلرینی. دؤشونده دایانان دوشمنلره دوشون. دیدیشکن دودوکلردن، درسلیکلریمیز دولور، دملهنیر دفینهلریمیز. درویشلرین دوشوکلویونه ده دوشون. دوعالاریندان داش - دویونه دوشموش دونهنیمیزه دوشون. دؤن دؤنولمهین دؤنگهلره. دؤندر دؤنومونو. دؤن، دؤنولمک دؤنوم دایرهسینی دوزلتمکدیر.
دیلنمه دیلنچیلردن دیرهنیم(8) دیرکلرینی. دور دیسکولاردا دانسلان دهشتلی دئپرئسلرینی. دئپرئسیوندا دیفراکسییونلارین(9) دئفورماسییاسینا دوش. دئپولا دونندن دوشن دوشکونلویونو. دیلیندن دوشمهسین دالغاجیقلار.
دردلرله دردلشرکن دارماداغین دوش. دیرناقلارینلا دید دمیر دروازالاری. داراقلا دیدرگین دوشموش دیدرگینلییینی.
دین! دوداغینی دامغالاما! دامینین دیوارینین داماری دولاشار داشلارا. دیبینین دیبیندن دیسکین. دور دارلیقلارین داریسقاللیغیندان. دیریل دار داخماجیقلاردان. دونماز دارلارین داریسقاللیغیندا دامارلارین.
اتک یازی:
1. درلم: کوللئکسییون.
2. دئفورماسییا: فورمسوزلوق.
3. دوبلئکس: ایکی قاتلی، ایکی اوزلو.
4. دئسپوتیزم: ایستیبداد.
5. دئتئرمیناسیون: تعیین.
6. داراگون: آژدها.
7. دئتئرمینیست: تقدیری فلسفهسینین پیرولاری.
8. دیرهنیم: عوصیان.
9. دیفراکسییون: اینکیسار
