جیزما قارا

EDİT

Saatına baxdın

Ürəyini kökləyə bilmədin

Lilləndi damarcıqların

Etiraf etdi səni sənsizlik

Yalnızlığını daşıya bilmədi bu şəhər

Metir – metir uzanadı kölgən

Atdılar səni özündən uzağa

Nəhayət adını edit etdin

Mamutların qıçı qıçına dolaşır artıq

Əkdin qıçlarını əqaqilər kölgəsində

Heyrətləndin təpədən dırnağa süyülmüş damarlarına

Əllərini uzatdın özünlə görüşməyə

Məsafən min bir gecə nağılı

Maska bazarında gəzməz dəlilər

Ətin ütülməsin çırçıralar alovunda!

Dörd bir yannını aldı soyuq

İkiyə bölünsən nə olacaq…?!!

ائدیت

ساعاتینا باخدین

اوره­یینی کؤکله­یه بیلمه­دین

لیللندی دامارجیقلارین

اعتیراف ائتدی سنی سنسیزلیک

یالنیزلیغینی داشییا بیلمه­دی بو شهرجیک

مئتیر مئتیر اوزانادی کؤلگه­ن

نهایت آدینی ائدیت ائتدین

ماموتلارین قیچی قیچینا دولاشیر آرتیق

اکدین دیرناقلارینی اقاقی­لر کؤلگه­سینده

حیرتلندین تپه­دن دیرناغا سویولموش دامارلارینا

اللرینی اوزاتدین اؤزونله گؤروشمه­یه

مسافه­ن مین بیر گئجه ناغیلی

ماسکا بازاریندا گزمز دلی­لر

اتین اوتولمه­سین چیر چیرالار آلوووندا

دؤرد بیر یانینی سویوق آلدی

ایکی­یه بؤلونسن نه اولاجاق…؟!!